ໂຄງການ: ການຊົມໃຊ້ນໍ້າໃຕ້ດິນເຂົ້າໃນການກະສິກຳໃນປະເທດລາວ
ໂຄງການ: ການຊົມໃຊ້ນໍ້າໃຕ້ດິນເຂົ້າໃນການກະສິກຳໃນປະເທດລາວ
-
ຜູ້ເຂົ້າຮ່ວມກອງປະຊຸມໄດ້ປຶກສາຫາລືສົນທະນາເຖິງຫລາກຫລາຍບັນຫາທີ່ຍົກຂຶ້ນເພື່ອໃຊ້ເຂົ້າໃນການປັບປຸງແຜນງານຂອງ ໂຄງການ “ການຊົມໃຊ້ນໍ້າໃຕ້ດິນເຂົ້າໃນການກະສິກຳ ໃນປະເທດລາວ”, ໃນລະຫວ່າງວັນທີ 5 ແລະ 7 ກັນຍາ 2012. -
ບັນດາຜູ້ເຂົ້າຮ່ວມກອງປະຊຸມ ໃນລະຫວ່າງວັນທີ 5 ແລະ 7 ກັນຍາ 2012 ໄດ້ຢ້ຽມຢາມລະບົບຊົນລະປະທານຫນຶ່ງ ໃນທົ່ງພຽງວຽງຈັນ, ຕາມເສັ້ນທາງໄປເຂດສຶກສາຂອງໂຄງການ “ການຊົມໃຊ້ນໍ້າໃຕ້ດິນເຂົ້າໃນການກະສິກຳໃນປະເທດລາວ”. -
ຮູບການປະຊຸມຢູ່ຫ້ອງການບ້ານແອກຊ້າງຂອງບັນດາສະມາຊິກ ຂອງໂຄງການ “ການຊົມໃຊ້ນໍ້າໃຕ້ດິນເຂົ້າໃນການກະສິກຳ ໃນປະເທດລາວ”, ພ້ອມກັບ ອໍານາດການປົກຄອງບ້ານ ແລະ ພະນັກງານ ຫ້ອງການກະສິກໍາ ແລະ ປ່າໄມ້ເມືອງໂພນໂຮງ ໃນ ເດືອນ ກັນຍາ 2012. -
ການຖ່າຍຮູບລວມຫມູ່ຂອງບັນດາສະມາຊິກຂອງໂຄງການ “ການຊົມໃຊ້ນໍ້າໃຕ້ດິນເຂົ້າໃນການກະສິກຳໃນປະເທດລາວ”, ໃນລະຫວ່າງກອງປະຊຸມປຶກສາຫາລືໃນເດືອນ ກັນຍາ 2012. -
ຜູ້ເຂົ້າຮ່ວມການເຝິກອົບຮົມໄລຍະສັ້ນກ່ຽວກັບຄວາມຮູ້ເບື້ອງຕົ້ນດ້ານຊັບພະຍາກອນນໍ້າໃຕ້ດິນລົງທະບຽນເພື່ອຮັບເອກະສານ ເຝິກອົບຮົມ ຢູ່ ສູນຄົ້ນຄ້ວານໍ້າໃຕ້ດິນ, ມະຫາວິທະຍາໄລຂອນແກ່ນ, ໃນວັນທີ 23 ເມສາ 2013. -
ການຖ່າຍຮູບລວມຫມູ່ຂອງ ທ່ານ ຮອງສາດສະດາຈານ ດຣ. ກະເສມ ນັນຕາໄຈ (ຄະນະບໍດີ ຄະນະວິທະຍາສາດເຕັກໂນໂລຍີ - ກາງ) ແລະ ຜູ້ເຂົ້າຮ່ວມການເຝິກອົບຮົມໄລຍະສັ້ນ. -
ການແນະນໍາເປົ້າຫມາຍ ແລະ ແນວທາງ ຂອງ ໂຄງການ ການນໍາໃຊ້ນໍ້າໃຕ້ດິນເຂົ້າໃນການກະສິກໍາໃນປະເທດລາວ ໃຫ້ແກ່ບັນດາຜູ້ເຂົ້າຮ່ວມການເຝິກອົບຮົມໄລຍະສັ້ນກ່ຽວກັບ ຄວາມຮູ້ເບື້ອງຕົ້ນ ດ້ານຊັບພະຍາກອນນໍ້າໃຕ້ດິນ ແລະ ສະມາຊິກໃຫມ່ທີ່ເຂົ້າຮ່ວມໂຄງການ. -
ຫນ້າປົກເອກະສານ “ການເຝິກອົບຮົມໄລຍະສັ້ນ ກ່ຽວກັບອຸທົກກະສາດຄັ້ງທີ I - ຄວາມຮູ້ ເບື້ອງຕົ້ນກ່ຽວກັບຊັບພະຍາກອນນໍ້າໃຕ້ດິນ”. ເອກະສານດັ່ງກ່າວນີ້ໄດ້ຖືກແຈກຍາຍໃຫ້ບັນດາ ສະມາຊິກທີ່ເຂົ້າ ຮ່ວມການເຝິກອົບຮົມ ໃນເດືອນ ເມສາ 2013. -
ທ່ານ ດຣ. ກຣຽງສັກ ສີຣສຸກ, ສາດສະດາຈານ ດ້ານ ອຸທົກກະສາດ ຢູ່ ສູນຄົ້ນຄ້ວານໍ້າໃຕ້ດິນ, ມະຫາວິທະຍາໄລຂອນແກ່ນ, ໄດ້ໃຫ້ຄວາມຮູ້ກ່ຽວກັບສະພາບນໍ້າໃຕ້ດິນຢູ່ ທ່າພະ, ຈັງຫວັດ ຂອນແກ່ນ, ໃນວັນທີ 22 ເມສາ 2013. -
ທ່ານ ດຣ. ກຣຽງສັກ ສີຣສຸກ, ສາດສະດາຈານ ດ້ານ ອຸທົກກະສາດ ຢູ່ ສູນຄົ້ນຄ້ວານໍ້າໃຕ້ດິນ, ມະຫາວິທະຍາໄລຂອນແກ່ນ, ໄດ້ໃຫ້ຄວາມຮູ້ກ່ຽວກັບໂຄງການທີ່ໄດ້ຈັດຕັ້ງປະຕິບັດຢູ່ບ້ານອໍຄໍາ. -
ທ່ານ ດຣ. ກຣຽງສັກ ສີຣສຸກ, ສາດສະດາຈານ ດ້ານ ອຸທົກກະສາດ ຢູ່ ສູນຄົ້ນຄ້ວານໍ້າໃຕ້ດິນ, ມະຫາວິທະຍາໄລຂອນແກ່ນ, ໄດ້ໃຫ້ຄວາມຮູ້ກ່ຽວກັບອຸປະກອນເຄື່ອງມືທີ່ໃຊ້ເຂົ້າໃນການຂຸດເຈາະບໍ່ນໍ້າສ້າງ ພ້ອມກັບການອະທິບາຍຊັ້ນດິນຕ່າງໆ. -
ຜູ້ເຂົ້າຮ່ວມເຝິກອົບຮົມເຮັດການທົດລອງແບບປະຖົມປະຖານໃນການຊອກຫາ ແຫລ່ງນໍ້າໃຕ້ດິນ. ທ່ອນເຫລັກໃນມືຈະເຄື່ອນໄຫວ ຖ້າມີນໍ້າໃນບໍລິເວນໃກ້ຄຽງ. -
ຜູ້ເຂົ້າຮ່ວມເຝິກອົບຮົມສໍາຫລວດບໍ່ນໍ້າສ້າງທີ່ຖືກຂຸດເຈາະໃກ້ກັບວິທະຍາເຂດຂອງມະຫາວິທະຍາໄລຂອນແກ່ນ. ບໍ່ນໍ້າດັ່ງກ່າວໄດ້ຖືກຂຸດເຈາະເພື່ອເກັບກໍາຂໍ້ມູນເຂົ້າໃນການ ເຝິກອົບຮົມໃຫ້ແກ່ບັນດາຜູ້ເຂົ້າຮ່ວມທັງຫມົດ. -
ທ່ານ ນາງ ເກວະລີ ໂພຣເຂີນ, ຫົວຫນ້າ ແລະ ນັກສຶກສາ ປະລິນຍາເອກທີ່ສູນຄົ້ນຄ້ວານໍ້າໃຕ້ດິນ, ມະຫາວິທະຍາໄລ ຂອນແກ່ນ, ໄດ້ໃຫ້ຄວາມຮູ້ກ່ຽວກັບຂະບວນການກວດກາ ຄຸນນະພາບນໍ້າ, ເຊິ່ງເລີ່ມຈາກ ການເກັບຕົວຢ່າງນໍ້າຈາກບໍ່ ນໍ້າສ້າງ ໄປເຖິງການເກັບມ້ຽນຕົວຢ່າງເພື່ອເຂົ້່າຫ້ອງວິໄຈ. -
ອຸປະກອນຕ່າງໆທີ່ໃຊ້ເຂົ້າໃນການລົງສໍາຫລວດພາກສະຫນາມ ຢູ່ສູນຄົ້ນຄ້ວານໍ້າໃຕ້ດິນ, ມະຫາວິທະຍາໄລຂອນແກ່ນ. -
ທ່ານ ສິນໄຊ ວົງພະຈັນ (ຂວາມື), ອາຈານສອນທີ່ ພາກວິຊາ ວິສະວະກຳແຫລ່ງນໍ້າ, ຄະນະວິສະວະກໍາສາດ, ມະຫາວິທະຍາໄລ ແຫ່ງຊາດ, ຮັບໃບຢັ້ງຢືນຈົບການເຝິກອົບຮົມໄລຍະສັ້ນ ມອບໂດຍ ທ່ານ ຮອງສາດສະດາຈານ ຫລ້າ ອັດວິໄຈ, ອໍານວຍການສູນຄົ້ນຄ້ວານໍ້າໃຕ້ດິນ.
ນໍ້າໃຕ້ດິນໄດ້ຮັບການຊົມໃຊ້ເພີ່ມຂຶ້ນໃນທົ່ວໂລກຢ່າງຕໍ່ເນື່ອງ ແລະ ນໍ້າໃຕ້ດິນກໍາລັງມີ ພາລະບົດບາດຫນ້າທີ່ ທີ່ສໍາຄັນເພີ່ມຂຶ້ນ ໃນການເປັນແຫລ່ງສະຫນອງນໍ້າສໍາຮອງ ໃນຄົວເຮືອນຢູ່ຕາມຊົນນະບົດ. ນໍ້າໃຕ້ດິນມີຄຸນຄ່າອັນໃຫຍ່ຫລວງໃນການຊົມໃຊ້ໃນລະດູ ແລ້ງ ແລະ ຍັງເປັນແຫລ່ງສະຫນອງນໍ້າສໍາຮອງໃນຊ່ວງລະດູຝົນ ເຂົ້າໃນການເຮັດ ຊົນລະປະທານໃນຫລາຍປະເທດ, ເນື່ອງຈາກວ່າ ລະບົບນໍ້າໃຕ້ດິນມີຄວາມສ່ຽງຕໍ່າ ແລະ ໄດ້ຮັບຜົນກະທົບຫນ້ອຍກວ່າການສະຫນອງນໍ້າຈາກຫນ້າດິນ ຈາກການປ່ຽນແປງສະພາບ ດິນຟ້າອາກາດ.
ການຊົມໃຊ້ນໍ້າໃຕ້ດິນເຂົ້າໃນການກະສິກໍາທີ່ໃຊ້ລະບົບຊົນລະປະທານຢູ່ ສ.ປ.ປ. ລາວ ແມ່ນຍັງຖືກຈໍາກັດຢູ່ກັບການເຮັດຊົນລະປະທານຂະຫນາດນ້ອຍແບບສວນຄົວ ໂດຍການ ຊົມໃຊ້ນໍ້າສ້າງເຂົ້າໃນການສະຫນອງນໍ້າໃນຄົວເຮືອນເທົ່ານັ້ນ, ເຖິງແມ່ນວ່າ ປະເທດລາວ ຈະເປັນປະເທດທີ່ເຮັດການກະສິກໍາເປັນຕົ້ນຕໍກໍ່ຕາມ.
ໂດຍການປະສານງານ ແລະ ຮ່ວມມືກັບຫລາຍພາກສ່ວນ, ລັດຖະບານແຫ່ງ ສ.ປ.ປ. ລາວ ໄດ້ວາງເປົ້າຫມາຍໃນການພັດທະນາລະບົບຊົນລະປະທານໃຫ້ເປັນຫນຶ່ງໃນຍຸດທະສາດທີ່ສໍາຄັນໃນການພັດທະນາການດໍາລົງຊີວິດ ແລະ ສົ່ງເສີມເສດຖະກິດ ຂອງປະຊາຊົນໃນເຂດ ຊົນນະບົດ, ພ້ອມທັງວາງເປົ້າຫມາຍໃນການບັນລຸເປົ້າຫມາຍສະຫັດສະວັດ. ພາຍໃຕ້ ເປົ້່າຫມາຍດັ່ງກ່າວນີ້, ທີມງານໂຄງການຂອງພວກເຮົາຈຶ່ງໄດ້ເລັງໃສ່ການສ້າງສະພາບ ແວດລ້ອມທີ່ເອື້ອອໍານວຍໃຫ້ແກ່ຊາວກະສິກອນຂະຫນາດນ້ອຍ ເພື່ອໃຫ້ເຂົ້າເຖິງນໍ້າໃຕ້ດິນ ເພື່ອໃຊ້ເຂົ້າໃນການກະສິກໍາໂດຍຜ່ານລະບົບຊົນລະປະທານໃນຊ່ວງລະດູແລ້ງ ແລະ ເປັນການສະຫນອງນໍ້າເສີມໃນລະດູຝົນ. ເປົ້າຫມາຍຕົ້ນຕໍແມ່ນເພື່ອສະຫນອງ ແລະ ຍົກສູງ ການຮັບປະກັນດ້ານສະບຽງອາຫານ ແລະ ໂພສະນາການ ພ້ອມກັບການພັດທະນາ ຄຸນນະພາບການດໍາລົງຊີວິດຂອງຊຸມຊົນໃນເຂດຊົນນະບົດໃນ ສ.ປ.ປ. ລາວ.
ເນື້ອຄວາມສໍາຄັນຂອງໂຄງການດັ່ງກ່າວນີ້ແມ່ນວິທີການສົ່ງເສີມການພັດທະນາແບບ ຍືນຍົງ ທີ່ສ້າງຜົນກະທົບທີ່ຫນ້ອຍທີ່ສຸດ ຕໍ່ກັບຂະແຫນງການ ແລະ ພາກສ່ວນອື່ນໆ ເຊິ່ງລວມທັງ ສະພາບແວດລ້ອມ.
ນໍ້າໃຕ້ດິນໄດ້ຮັບການຊົມໃຊ້ເພີ່ມຂຶ້ນໃນທົ່ວໂລກຢ່າງຕໍ່ເນື່ອງ ແລະ ນໍ້າໃຕ້ດິນກໍາລັງມີ ພາລະບົດບາດຫນ້າທີ່ ທີ່ສໍາຄັນເພີ່ມຂຶ້ນ ໃນການເປັນແຫລ່ງສະຫນອງນໍ້າສໍາຮອງ ໃນຄົວເຮືອນຢູ່ຕາມຊົນນະບົດ. ນໍ້າໃຕ້ດິນມີຄຸນຄ່າອັນໃຫຍ່ຫລວງໃນການຊົມໃຊ້ໃນລະດູ ແລ້ງ ແລະ ຍັງເປັນແຫລ່ງສະຫນອງນໍ້າສໍາຮອງໃນຊ່ວງລະດູຝົນ ເຂົ້າໃນການເຮັດ ຊົນລະປະທານໃນຫລາຍປະເທດ, ເນື່ອງຈາກວ່າ ລະບົບນໍ້າໃຕ້ດິນມີຄວາມສ່ຽງຕໍ່າ ແລະ ໄດ້ຮັບຜົນກະທົບຫນ້ອຍກວ່າການສະຫນອງນໍ້າຈາກຫນ້າດິນ ຈາກການປ່ຽນແປງສະພາບ ດິນຟ້າອາກາດ.
ການຊົມໃຊ້ນໍ້າໃຕ້ດິນເຂົ້າໃນການກະສິກໍາທີ່ໃຊ້ລະບົບຊົນລະປະທານຢູ່ ສ.ປ.ປ. ລາວ ແມ່ນຍັງຖືກຈໍາກັດຢູ່ກັບການເຮັດຊົນລະປະທານຂະຫນາດນ້ອຍແບບສວນຄົວ ໂດຍການ ຊົມໃຊ້ນໍ້າສ້າງເຂົ້າໃນການສະຫນອງນໍ້າໃນຄົວເຮືອນເທົ່ານັ້ນ, ເຖິງແມ່ນວ່າ ປະເທດລາວ ຈະເປັນປະເທດທີ່ເຮັດການກະສິກໍາເປັນຕົ້ນຕໍກໍ່ຕາມ.
ໂດຍການປະສານງານ ແລະ ຮ່ວມມືກັບຫລາຍພາກສ່ວນ, ລັດຖະບານແຫ່ງ ສ.ປ.ປ. ລາວ ໄດ້ວາງເປົ້າຫມາຍໃນການພັດທະນາລະບົບຊົນລະປະທານໃຫ້ເປັນຫນຶ່ງໃນຍຸດທະສາດທີ່ສໍາຄັນໃນການພັດທະນາການດໍາລົງຊີວິດ ແລະ ສົ່ງເສີມເສດຖະກິດ ຂອງປະຊາຊົນໃນເຂດ ຊົນນະບົດ, ພ້ອມທັງວາງເປົ້າຫມາຍໃນການບັນລຸເປົ້າຫມາຍສະຫັດສະວັດ. ພາຍໃຕ້ ເປົ້່າຫມາຍດັ່ງກ່າວນີ້, ທີມງານໂຄງການຂອງພວກເຮົາຈຶ່ງໄດ້ເລັງໃສ່ການສ້າງສະພາບ ແວດລ້ອມທີ່ເອື້ອອໍານວຍໃຫ້ແກ່ຊາວກະສິກອນຂະຫນາດນ້ອຍ ເພື່ອໃຫ້ເຂົ້າເຖິງນໍ້າໃຕ້ດິນ ເພື່ອໃຊ້ເຂົ້າໃນການກະສິກໍາໂດຍຜ່ານລະບົບຊົນລະປະທານໃນຊ່ວງລະດູແລ້ງ ແລະ ເປັນການສະຫນອງນໍ້າເສີມໃນລະດູຝົນ. ເປົ້າຫມາຍຕົ້ນຕໍແມ່ນເພື່ອສະຫນອງ ແລະ ຍົກສູງ ການຮັບປະກັນດ້ານສະບຽງອາຫານ ແລະ ໂພສະນາການ ພ້ອມກັບການພັດທະນາ ຄຸນນະພາບການດໍາລົງຊີວິດຂອງຊຸມຊົນໃນເຂດຊົນນະບົດໃນ ສ.ປ.ປ. ລາວ.
ເນື້ອຄວາມສໍາຄັນຂອງໂຄງການດັ່ງກ່າວນີ້ແມ່ນວິທີການສົ່ງເສີມການພັດທະນາແບບ ຍືນຍົງ ທີ່ສ້າງຜົນກະທົບທີ່ຫນ້ອຍທີ່ສຸດ ຕໍ່ກັບຂະແຫນງການ ແລະ ພາກສ່ວນອື່ນໆ ເຊິ່ງລວມທັງ ສະພາບແວດລ້ອມ.
